Новости

Поздравление Минтимера Шаймиева с праздником Ураза Байрам мусульманам Татарстана

09.09.2010

Хөрмәтле Госман хәзрәт!

Сезне һәм Татарстан Ресбупликасының барлык мөселманнарын чын күңелемнән Ураза бәйрәме белән котлыйм.

Изге Рамазан шәриф ае быел да иманыбызны ныгытып игелекле гамәлләргә рухландырды, аларны тормышка ашыруда көч-куәт өстәде.

Шушы мөкатдәс бәйрәм көнендә Сезгә иң изге теләкләремне юллыйм. Һәр мөэмин-мөселманның бәйрәме мөбарәк, табыны – түгәрәк, тормышы бәрәкәтле булсын. Һәрбарчабызның гаиләсе, туганнары, дуслары исән-сау һәм бәхетле яшәсен.

Аллаһ Тәгалә рәхмәте белән киләсе Рамазан айларын да бергәләп үткәрергә язсын.

Минтимер Шәймиев